Во Штип се преименуваат нови улици

Штип, 22 октомври 2014 (МИА) - Општина Штип ја почна постапка за делење на улицата „Косовска“ во три нови улици.  Раководителот на Одделението за комунални дејности во Општина Штип, Соња Китанова вели дека постапката е почната поради тоа што оваа улица е голема и одредни куќи немаат броеви.

- Улицата Косовска стана прегломазна, со преголем број на објекти, а од кои барем една четвртина носат ознака б.б и нели согалсно законот не е дозволено да имаат б.б и објектот треба да биде нумериран. Предлагаме улицата „Косовска“ во иднина да се вика „Цар Самоил“, значи костурот на улицата да биде „Цар Самоил“, а краците кои се одвојуваат предлагаме едниот да се вика „Коле Крупишки“, а вториот крај „Черења“, вели Китанова.

„Ристо Чепреганов“ ќе биде името на улицата во населбата Плуждино, која се наоѓа над штипско Ново село, каде што во викенд куќи живеат голем број на граѓани. Минатата седница на Советот на Општина Штип, 28 улици во дивоизградените населби во Штип добија имиња.