Празнична крводарителска акција на ОК на ВМРО-ДПМНЕ во Крива Паланка

Крива Паланка, 22 октомври 2014 (МИА) - Вкупно 66 крводарувања се реализирани денеска во  Крива Паланка, во рамки на  крводарителска акција, што ја организираше Општинскиот комитет на ВМРО-ДПМНЕ, во соработка со Републичкиот завод за трансфузиона медицина и Општинската организација на Црвен крст од Крива Паланка.

Оваа хуманитарна акција се организира по повод државниот празник-Денот на македонската револуционерна борба, 23 Октомври.

- Радува што кривопаланчани покажаа огромен интерес за акцијата и со тоа ја покажаа својата хуманост и пожртвуваност. Општинскиот комитет секоја година организира крводарителски акции и се вклучува во хумани проекти, кои се битни и клучни за секој живот, без разлика на политичката опредлба на било кој поединец. Организацијата е партиска, но хуманоста  не е и таа има за цел да ги обеди луѓето од целата заедница, истакна Борче Стојчевски, претседател на ОК на ВМРО-ДПМНЕ од Крива Паланка.

Иако според првичните проценки, беа предвидени околу 40 крводарувања, 66 лица дарувале крв, што ја покажува нивната хуманост, кога е во прашање животот на луѓето.