Велес, 24 ноември 2014 (МИА) - Во новата зграда на Народниот театар „Јордан Хаџи Константинов-Џинот“ во Велес денеска се одржа првата проба за претставата комедијата „Најважната работа на светот“ по текст на Братислав Димитров, во режија на Љубиша Георгиевски.
Во претставата игра комплетната актерска екипа на велешкиот театар, а гости во претставата се Благоја Чоревски и Ирена Ристиќ. Костимите ги работи Невена Георгиевска, сценографијата Валентин Светозарев.
Јордан Витанов директор на велешкиот театар на денешната прес- конференција изрази надеж дека оваа прва проба ќе остане долго во сеќавање, а премиерата, информира, се очекува да се случи во декември годинава.
Братислав Димитров автор на текстот изјави дека е среќен што третпат работи во овој театар кој, според него, има навистина гурмански апетит за правење претстави.
- Среќен сум што и мојот професор Љубиша Георгиевски го режира овој текст, особено заради неговата навистина свежа, луцидна, радикална концепција, рече Братислав Димитров.