СДСМ го осуди нападот на кафулето „Дамар“Скопје, 24 октомври 2014 (МИА) - СДСМ најостро го осудува вчерашниот инцидент во Старата скопска чаршија, во кафулето „Дамар“, што се случи на одбележување на двегодишнината од ЛГБТ центарот.
- Бараме итно делување на институциите, на Министерството за внатрешни работи, со цел расчистување на случајот, пронаоѓање и санкционирање на сторителите, се наведува во соопштението од СДСМ.
Партијата потсетува дека ова не е прв инцидент од ваков тип, врз ЛГБТ центарот и оти минатата година беше нападнато нивното седиште. Од СДСМ наведуваат дека никој нема право да ги загрозува слободите и правата на граѓаните и нивните животни определби.
|