Во Берово и Пехчево одржани предавања за дијабетесотБерово, 31 октомври 2014 (МИА) - По повод „Неделата против шеќерната болест (дијабетесот)“ пред средношколците од средните училишта во малешевските општини Берово и Пехчево се одржани едукативни предавања.
Лекари и активисти на Црвениот крст ги запознаа средношколците со симптомите, начинот на лекување, но најмногу внимание во стручните предавања посветија на превентивата против оваа опака болест која последниве години е во пораст и меѓу населението од овој крај.
- За намалување на ризикот од појава на дијабетес треба да се практикува здрава исхрана, односно повеќе овошје и зеленчук, намалување на внес на шеќери и сатурирани масти, како и редовна физичка активност, одржување на нормална телесна тежина и избегнување на пушењето, ги посоветуваа предавачите учесниците од средните училишта во Пехчево и Берово.
|