Одбележана неделата за грижа на стари лица во Крива Паланка

Крива Паланка, 20 ноември 2014 (МИА) - Под мотото „Информирајте се за вашите права од социјална и здравствена заштита“ во организација на Црвениот крст во Крива Паланка се одбележа Неделата за грижа на стари лица, која се реализира од 17 до 23 ноември.

Секретарот на општинската организација на Црвениот крст од Крива Паланка Дарко Пешовски информира дека на повеќе од 50 стари лица денеска им биле извршени бесплатни мерења на шеќерот во крвта и на крвниот притисок.

- На повеќе стари и осамени лица им беа доставени и пакети со храна од страна на волонтерите на Црвениот крст. Во наредните денови ќе се спроведат уште активности со кои ќе биде опфатена оваа категорија на лица, истакна Пешовски.

 

Целта на кампањата е да се подигне свеста на населението за правата на старите лица, како и потребната грижа и помош за старите лица.