Осми состанок на заинтересираните страни за прекуграничниот регион на Преспа

Ресен, 25 ноември 2014 (МИА) - Заинтересирани страни од прекуграничниот регион на Преспа треба да придонесат за одржлив економски развој на регионот, сметаат претставниците од Македонија и Албанија кои денеска одржаа средба во Ресен во рамки на втората фаза од проектот Меѓународна соработка за развој на регионот Преспа.

Проектот има за цел да ја продолжи соработката меѓу сите релевантни чинители кои може да придонесат за побрз развој во регионот Преспа преку пристап базиран на развој на територијата.

Овој иновативен и ексклузивен методолошки пристап овозможува одржлив развој на преку 70 рурални прекугранични подрачја во Западен Балкан кои се карактеризираат со специфични развојни програми. Ова е четврти пилот проект во регионите на Западен Балкан. Покрај Преспа во ова се вклучени и Шара, Дрина, Сава и Дрината, регони кои барем во овој момент се доста понапред во имплементирањето на овој проект.

Овој прект кој е финансиран од ЕУ и во кој учествуваат Албанија, Грција и Македонија, започна 2012 година, а конкретно треба да се реализира  во 2016.