Се чисти речното корито кај локалитетот „Водовод“ во КумановоКуманово,26 ноември 2014 (МИА) - Започна чистењето на речното корито кај локалитетот „Водовод“ во Куманово, информираше денеска градоначалникот Зоран Дамјановски. Чистењето се одвива поради минатонеделното излевање на реката и се спроведува во соработка со „Македонски шуми“. - Локалната самоуправа за оваа акција оддели еден милион и 600.000 илјади денари, средства кои се намененти за прочистување на речното корито и чистење на дивите депонии околу реката. Ќе се вклучат и јавните претпријатија кои ќе делуваат синхронизирано.Имаме 600.000 денари одвоени како резерва за дополнителни набавки како што се пумпи за исцрпуавње на водата,вреќи,агрегати,гумени чамци и други помошни средства согласно препораките на штабот,рече Дамјановски. На денешната прес-конференција градоначалникот Дамјановски додаде дека на терен ќе се работи наредните 15 дена. Досега поднесени се 30-тина барање за надоместување на штетите, а до утрешниот ден се очекува да бидат поднесени околу 60-тина барања.
|