Монодрамата „Секс, дрога и рокенрол“ во театарот во Гевгелија

Скопје, 27 ноември 2014 (МИА) - Драмскиот таетар од Скопје денеска гостува во Гевгелија со монодрамата „Секс, дрога и рокенрол“ од ерменско-американскиот актер и драмски писател Ерик Богосјан, во режија на Ристе Алексовски и изведба на Сашо Тасевски.

Според режисерот Алексовски, целата претстава е конципирана околу идејата што стана со идеалите и со големата максима „Секс, дрога и рокенрол“ појаснувајќи при тоа дека иако текстот го играат розово, нималку розово не гледаат на работите.

- Претставата го следи патот на една рок ѕвезда која успева да ја достигне ултимативната слава по која следува неговото лично паѓање,распадот на неговиот живот и неговите идеали, вели Алексовски и потенцира дека од дејството ќе ги видиме причините, ситуациите и одлуките кои доведуваат до тоа.

Претставата ќе биде изведена во салата на Народниот таетар во Гевгелија со почеток во 19 часот.