Штип се подготвува за претсојните новогодишни и божиќни празнициШтип, 27 ноември 2014 (МИА) - Општина Штип за претстојните новогодишни и божиќни празници издвои 600.000 денари. Програмата за одбележување на новогодишните и божиќни празници денеска се изгласа на седница на Советот на Општина Штип.
Портпаролот на Општина Штип, Драган Ристов вели дека се очекува од наредната недела да почне и украсувањето на градот. Градот ќе се украсува со минатогодишните украси, но ќе се надополни и со нови. Се очекува украсувањето да заврши до 19 декември, кога и градот го чествува и патрониот празник свети Никола.
- Повеќе од 600 000 денари се издвоени од буџетот за програмата за новогодишните и божиќни празници. Ова се средства кои се наменети пред се за оние стандардни традиционални ставки од типот на награди за најдобрите и дежурни служби и за граѓаните, институциите и фирмите кои ќе имаат најубав украсен објект, појасни Ристов.
Тој додава дека годинава ќе нема дочек на Новата година на Градскиот плоштад „Слобода“, средствата ќе се искористат за реализација на некој инфраструктурен проект.
|