Гевгелија очекува гости од странство за Новогодишните и Божиќните празници

Скопје, 19 декември 2014 (МИА) - Општина Гевгелија во своите сместувачки капацитети има да им понуди над 1.000 легла на странските гости, кои во најголем број ќе пристигнат од Грција за да ги прослават претстојните Божикни празници.

Според туристичките работници од Гевгелија доаѓањето на странски туристи се очекува последните два викенда од годината, особено во текот на идната недела кога се слави Божик според новиот цалендар.

Околу половина од леглата или точно 458 се наоѓаат во елитните хотели-казина „Рамада Плаза“, „Фламинго“ и „Аполонија“ кои секогаш се опседнати од грчките мераклии за пробање на среќата. Во овие екслузивни хотелски капацитети со пет ѕвездички во викенд деновите тешко може да се најде слободно место.

Покрај хотелските гости, преку викендите на југоистокот од земјата се очекува да престојуваат повеќе од 10.000 гости од кои само мал број сместување ќе добијат во другите хотелски капацитети во околината на Гевгелија и во Дојран.

Најголем број од останатите легла во општина Гевгелија се наоѓаат во Негорските минерални бањи.