Чествување за војводите Даме Груев и Никола РусинскиБерово, 20 декември 2014 (МИА) - Во селото Русиново, беровско, денеска во чест на војводите Даме Груев и Никола Петров Русински се одржуваат повеќе пригодни манифестации.
Чествувањата започнаа со панихида за војводите во црквата Св. Петка во Русиново. По одржаната богослужба делегации на општините Берово, Делчево и Пехчево се поклонија пред споменикот на Даме Груев и неговите соборци Сандо Китанов, Атанас Карчев и Ѓорѓи Попстојанов, загинати на Петлец на 23 декември 1906 година, кој се наоѓа на селските гробишта.
Прославата продолжи со пригоден реферат, за значењето на Даме Груев и неговите истовременици пред споменикот на револуционерот во центарот на селото. По тој повод на чествувањето присуствуваше и и делегација од родното место на Даме Груев, од Смилево.
Во рамките на чествувањето десетина планинарски друштва учествуваа на планинарскиот марш кон врвот Петлец.
|