Нормализиран сообраќајот на патот Демир Капија - Корешница Скопје, 26 јануари 2015 (МИА) - Сообраќајот на патниот правец Демир Капија кон село Корешница е нормализиран, соопшти утринава Авто мото сојузот на Македонија.
На мостот на патот Радовиш – Штип штетата е санирана и сообраќајот се одвива наизменично, по една коловозна лента, а забраната за движење, поради свлечиште, на патот Киселица - Злетово во општина Пробиштип сеуште останува.
Сообраќајот е во прекин на регионалениот пат на м.р.„Глобица” во непосредна близина на селото Ратавци – Пробиштип, како и на патните правци кон селата Степанци и Суво Грло поради надојдените води на реката Крива Лакавица.
На патниот правец кај клучката Марвинци - Гевгелија сообраќајот е во прекин поради излевање на реката Вардар.
Забрана за движење на тешки товарни возила над 7,5 тони и автобуси е воведена на патниот правец Ржаничино – Д.Коњаре, поради оштетување на средниот столб на мостот на река Пчиња.
Поради магла намалена е видливоста од 50 до 100 метри кај Страцин.
На останатите патишта сообраќајот се одвива по наместа влажни коловози.
|