Седници на четири собраниски комисииСкопје, 27 јануари 2015 (МИА) - Во Собранието на Република Македонија денеска седници ќе одржат комисиите за здравство, за политички систем и односи меѓу заедниците, за транспорт, врски и екологија и Законодавно-правната комисија.
Предлог - законот за комплементарна и алтернативна медицина, во второ читање е единствената точка за која ќе расправаат членовите на Комисијата за здравство.
На агендата на седницата на Комисијата за политички систем и односи меѓу заедниците се предлог-законите за изменување и дополнување на Законот за Народен правобранител и на Законот за парничната постапка, двата во второ читање.
Членовите на Комисијата за транспорт, врски и екологија ќе ги разгледуваат Годишните извештаи за работата за 2013 година на Агенцијата за регулирање на железничкиот сектор, за работа и развој на Агенцијата за регулирање на железничкиот сектор за 2014 година и Извештајот за работата на Регулаторната комисија за домување за периодот од 01 јули до 31 декември 2014 година.
Законодавно-правно комисијата ќе расправа за предлог-законите за изменување и дополнување на Законот за земјоделство и рурален развој,на Законот за даночна постапка, на Законот за хартии од вредност, на Законот за банките и на Законот за Фондот за осигурување на депозити, сите во второ читање. Ќе се расправа и по Предлог - закон за комплементарна и алтернативна медицина, Предлог-закон за изменување и дополнување на Законот за парничната постапка, Предлог-закон за изменување и дополнување на Законот за Народен правобранител, како и Предлог-закон за изменување и дополнување на Законот за заштита на децата, во второ читање.
|