Честитка од Заев по повод празникот Свети Сава

Скопје, 27 јануари 2015 (МИА) - Претседателот на СДСМ Зоран Заев денеска, по повод празникот Свети Сава, упати честитка до припадниците на српската заедница во Република Македонија и  сите граѓани кои го празнуваат.

- На сите припадници на српската заедница во Република Македонија и на православните христијани кои го празнуваат, од мое име и од име на Социјалдемократскиот сојуз упатувам најискрени честитки. Нека овој голем празник биде поттик за вербата и надежта дека сите заедно, со меѓусебна поддршка и почит можеме да обезбедиме лична, семејна и општествена благосостојба, пишува Заев во честитката.

Бидете во добро здравје, додава лидерот на СДСМ во честитката, спокојни во срцето, подготвени да дарувате љубов, внимание и разбирање и тоа нека ви биде возвратено.