Водата се повлекува кај Јосифово и Марвинци, сообраќајот нормализиран.

Скопје, 27 јануари 2015 (МИА) - Дирекцијата за заштита и спасување соопшти дека на потегот меѓу Јосифово и Марвинци, Валандовско, каде што поради излевање на реката Вардар се поплавени овоштарници, водата се повлекува и сообраќајот е нормализиран. 

Во општините Конче, Радовиш, Крива Паланка, Пробиштип, Струмица, Штип, Карбинци,..., е ангажирана потребната механизација за санирање на оштетените патишта, објекти, делови од мостови,... 

На Струмичка река кај село Турија во Босилево се прават насипи и се подготвува регулација за испуштање на езерото со оглед дека има опасност од излевање на реката. 

Дирекцијата за заштита и спасување преку своите подрачни единици постојано ја следи состојбата на терен, а во Владата попладнево ќе се оддржи состанок на Координативното тело за справување со кризи во проширен состав.