Скопје, 28 јануари 2015 (МИА) - Претседателот на Демократски сојуз, Павле Трајанов, денеска оствари средба со Кристине Д.Алтхаузер, амбасадор на Сојузна Република Германија во Македонија.
Алтхаузер и Трајанов, соопшти ДС, разговарале за актуелните политички сосојби во Република Македонија, за евроинтеграциските процеси, како и потребата за разрешување на спорот со Република Грција, како основна пречка на влез во ЕУ и НАТО.
Амбасадорот Алтхаузер пројавила интерес и за активностите на ДС во Собранието на Република Македонија, за потребата од разрешување на сите отворени прашања преку дијалог, како и за улогата на опозицијата на парламентарната демократија.