Конференција „Улогата на младите во процесот на помирување на балканските народи“ во Пехчево

Пехчево, 28 јануари 2015 (МИА) - Во Пехчево денеска се одржа конференција на тема „Улогата на младите во процесот на помирување на балканските народи“ на која, меѓу другото  беше направен осврт на значењето на стабилноста во процесот на ЕУ интегрирање на земјите од регионот.
 
Средбата на младите ја поздрави градоначалникот на Пехчево Игор Поповски, кој укажа дека  од голема важност за младите е да ги негуваат соживотот, толеранцијата и меѓусебната соработка, без разлика кој на која нација, релегија или политичка опција и припаѓаат.

 
На конференцијата се дискутираше за регионалната соработка и начини за нејзино подобрување, како младите ќе помогнат во процесот на помирување на Балканот, зошто е потребно поинаку да гледаме на историјата, за слободата на медиумите и нивното значење во процесот на  приклучување кон ЕУ и за меѓукултурната комуникација.
 
За учесниците и гостите на овој младински собир беше  организирана проекција на  филмот „Чија е оваа песна“.