Христијан Санев нов претседател на ДЛУМСкопје, 29 март 2015 (МИА) - Ликовниот уметник Христијан Санев денеска е избран за претседател на Друштвото на ликовни уметници на Македонија, а Владимир Темков за негов заменик.
Тие, како што соопшти ДЛУМ, ќе бидат и членови на Управниот одбор, каде членуваат и Дејан Иванов, Тони Чатлески и Петра Јовановска.
За претседател на уметничкиот совет избран е Ибрахим Беди, а членови се и Данчо Ордев, Наташа Милованчев, Ангел Димовски-Чауш, Маја Кировска, Марија Сотировска и Росица Лазеска.
- Со ова се заокружува новата постава за четиригодишниот мандат на раководни тела на ДЛУМ, кое ќе ги застапува интересите на уметниците членови на овој ликовен еснаф, се вели во соопштението.
На денешното Собрание е доделена наградата „Вангел Коџоман“ чиј добитник е Маја Кировска. Наградата традиционално, по трет пат ја доделува семејството Коџоман.
|