Демир Капија доби библиотекаДемир Капија, 30 март 2015 (МИА) - Во Демир Капија почна да работи библиотека, која располага со книги за сите љубители на пишаниот збор од македонски и странски автори, како и со лектирните изданија за основното и средното образование. Во склоп на библиотеката, која се наоѓа во Домот на културата „Мирка Гинова" има и читална во која граѓаните секој ден можат да ги прочитаат дневните весници.
- Бидејќи во Демир Капија подолго време немаше библиотека, потребата од истата беше неопходна што се гледа и од податокот дека секојдневно ученици, вработени и пензионери ја посетуваат за подигање на книги и за читање на дневен печат. Со моја заложба и поддршка од Министерството за култура успеавме да добиеме библиотека со близу 10 илјади наслови, рече демиркапискиот градоначалник Трајче Димитриев.
Библиотеката денеска ја посетија и директорите на јавните и државни претпријатија, пензионерите и учениците.
|