Скопје, 30 март 2015 (МИА) - Унијата на средношколци на Македонија денеска во Министерството за образование и наука ја доставила Средношколската платформа - документ кој ги содржи барањата на средношколците во врска со измените во полагањето државна матура.
- Нашето главно барање е математиката да не биде задолжителен предмет при полагањето на државната матура за сите ученици, односно матурантите да имаат право на избор на предмети при полагањето на државната матура, информира Унијата, чии претставници вчера го соопштија нивното барање.
Претставниците на Унијата од надлежните бараат прием и средба на која, како што е наведено во соопштението, непосредно ќе се разговара за настанатата состојба и надминување на проблемите кои ги засегаат средношколците, а особено матурантите, и се надеваат на позитивен одговор во најкус можен рок.