Општина Новаци одбележа 19 години од формирањето на локалната самоуправа

Новаци, 30 март 2015 (МИА) - Општина Новаци денеска ја одбележа 19 годишнината од формирањето на локалната самоуправа согласно новата регулатива и начинот на организирање на општините во Република Македонија.

Празникот на општината беше прославен со свечена приредба во ЦОУ „Славко Лумбарковски“ и отворен ден во општината.

- Чествувањата започнаа со прослава на патрониот празник на ЦОУ „Славко Лумбарковски“ од Новаци, а продолжија со отворен ден и спортски активности во училиштето. Според востановената традиција, положивме цвеќе на гробот на бранителот Пеце Матически кој го загуби својот живот во конфликтот во 2001 година, истакна градоначалникот Лазар Котевски.

По повод 30-ти март Денот на општина Новаци, свечена седница одржа општинскиот Совет, а градоначалникот приреди прием за партнерските организации и институции што соработуваат со таа локална самоуправа.