Се реновира големата сала во ЦК „Марко Цепенков“ во ПрилепПрилеп, 24 април 2015 (МИА) - Во полн ек е реконструкцијата на големата сала во Центарот за култура „Марко Цепенков“ во Прилеп, проект финансиран од Министерството за култура во кој се вложени околу три милиони денари.
- Комплетното реновирање на салата опфаќа промена на подот, уредување на сцената и на новиот систем за загревање, а целосно се претапацираат 600 седишта, изјави директорот на Центарот Тони Чатлески..
Работите ги изведува прилеската фирма „Дени“ а со реконструкцијата се опфатени 900 метри квадратни.
За градоначалникот Марјан Ристески ова е голем зафат, особено што е во пресрет на јубилејното пет-децениско одржување на Македонскиот театарски фестивал „Војдан Чернодрински“
- Реновирањето на салата се врши по 36 години од изградбата на објектот и многу ќе ги подобри условите за бројните културни настани во градот од кои најголемиот дел се одржуваат токму тука, изјави Ристески.
Тој посочи дека работите на обновувањето на големата сала во Центарот за култура „Марко Цепенков“ треба да завршат на почетокот на идниот месец.
|