Македонците од Албанија првпат на Национален младински конгрес во ТиранаТирана, 24 април 2015 (МИА) - Претставници на македонското малцинство во Албанија првпат учествуваа на Националниот младински конгрес во Тирана.
Македонското малцинство беше претставено преку претседателот на Македонското друштво „Илинден“ од Тирана, Никола Ѓурѓај, и претседателот на разгранокот на друштвото „Илинден“ во Голо Брдо, Или Халилај.
- На конгресот учествуваат 50 младински организации од целата територија на Албанија, ангажирани во различни полиња. Собирот претставува можност подобро да се запознаат младинските организации, како и да зајакне нивната соработка, изјави Ѓурѓај.
Конгресот се одржува со поддршка на Фондацијата „Фридрих Еберт“.
Учесниците од името на албанската Влада, официјално ги поздрави заменик-министерот за образование и спорт, Арбјан Мазнику.
|