Поетска средба со авторот Борче Панов Скопје, 27 април 2015 (МИА) - Во Друштвото на писателите на Македонија денеска по повод најновата стихозбирка „Вдах“ на Борче Панов ќе се одржи поетска средба со авторот.
За неговото творештво ќе говори Владимир Мартиновски, а стихови ќе чита Александра Велинова.
Борче Панов е член на ДПМ од 1998 година. Автор е повеќе поетски книги како што се „Што виде Чарли од наопаку“, „Циклонско око“, „Стоп Чарли“, „Такт“, „Гатанка од стакло“, „Базилика на ракописот“ и „Заумна вечера“. Добитник е на повеќе книжевни награди.
|