Урбаната заедница „Димче Мирчев“ во Велес по 15 години доби просторија

Велес, 28 април 2015 (МИА) - Градоначалникот на Општина Велес Славчо Чадиев денеска им го предаде решението за користење простории на претставниците на Урбаната заедница „Димче Мирчев“ од Велес. 
 
„Димче Мирчев“ доби голема сала за сосотаноци и уште една канцеларија во Центарот за невладини организации.
 
- Со ова, по 15 годии обаа урбана зедница сместана во центарот на Велес, конечно доби свои простории. Досега беше сместена како потстанар во поранешниот СИЗ, рече Јован Симсаров, претседател на „Димче Мирчев“, изразувајќи голема благодарност до Општината.
 
Во Центарот за невладини организации во месноста Дворови, останатите простории, сопственост на Општина Велес, ќе бидат распределени на невладините организации и здруженија на граѓани од Велес.