Скопје, 4 мај 2015 (МИА) - Сончево и потопло време со мала до умерена облачност и слаб ветер од променлив правец, најавува за наредните два дена Управата за хидрометеоролошки работи.
Утринската температура ќе се движи од седум до 14, а дневната од 25 до 33 степени.
Во Скопје слично време, сончево и потопло со мала до умерена облачност. Утринската температура ќе се спушти до 12, а дневната ќе се искачи до 30 степени.
Во среда ќе се задржи претежно сончево и уште потопло време со дневна температура во интервал од 25 до 33 степени.
Во четврток времето ќе биде променливо облачно и нестабилно со локален пороен дожд, грмежи и засилен ветер. Дневната температура ќе биде во опаѓање.