Средба на гевгелискиот градоначалник Франгов со бугарскиот амбасадор Петков Гевгелија, 22 мај 2015 (МИА) - Актуелните проекти и активности во општина Гевгелија, како и можностите за унапредување, пред се, на стопанската соработка беа темите на разговор на денешната средба на гевгелискиот градоначалник Иван Франгов со амбасадорот на Бугарија Македонија, Иван Петков.
Бугарскиот амбасадор беше информиран за досегашната успешна прекугранична соработка на Гевгелија со бугарската општина Разлог во чии што рамки беше изградена екопатеката на Вардарски рид, како и соработката со општина Банско со која во тек е реализација на проектот за реконструкција на кровот на Пионерскиот дом во Гевгелија.
Покрај ова, градоначалникот Франгов информираше и за успешната соработка што општина Гевгелија ја остварува со збратимената општина Севлиево.
|