Можно продолжување на рокот за договор за иранската нуклеарна програмаТехеран, 27 мај 2015 (МИА) - Рокот од 30 јуни што си го поставија меѓунарондата „шесторка“ и Иран за постигнување конечен договор за иранската нуклеарна програма, би можел да биде продолжен, изјави денеска членот на иранскиот преговарачки тим Абас Аракчи.
- Разговорите би можеле да продолжат и по рокот од 30 јуни, изјави Аракчи за иранската државна телевизија.
Во исто време и француксиот амбасадор во САД, Жерар Аро изјави дека е малку веројатно оти договорот за иранската никлеарна програма ќе биде постигнат до 30 јуни.
Тој нагласи дека ваквата оценка ја темели на сознанијата оти во досегачниот тек на разговорите се уште не се усогласени ни техничките детали на договорот.
|