Крузерот „Селестиал кристал“, кој пловеше од Грција за Истанбул се судри денеска со танкер во северниот дел на протокот Дарданели, при што има настрадани лица, јави ТАСС.
Бродот со 853 патници на него и 382-член екипаж патувал од Миконос за Истанбул.
Околу еден час по полноќ бродот се судрил во северниот дел на протокот со танкерот „Пимлико“, кој пловел од рускиот црноморски град Туалсе кон Малта.
И двата брода претрпеле сериозни штети. Според првичните информации на танкерот се оштетени резервоари, од кои истекува гориво, но засега не е позната количината.
Првичните информации покажуваат дека за сударот се виновни и двата брода, бидејќи центарот за управување на сообраќајот во протокот ги предупредил и двата брода дека постои опасност од судар.
И двата брода се вкотвени во моментов во близина на полуостровот Галиполи во Турција.