Зариф заминува во Техеран на консултацииВиена, 28 јуни 2015 (МИА) - Шефот на иранската дипломатија Мохамед Џавад Зариф ќе се врати денеска во Техеран на консултации со раководството на земјата за тековните преговори на Иран со светските сили, за кои западните дипломати оценуваат дека влегле во критична фаза, во пресрет на 30 јуни кога истекува рокот за постигнување спогодба.
- Зариф ќе замине во Техеран вечерва и ќе се врати во Виена утре, изјави претставник на иранските власти.
Тој ќе се консултира со раководството за разговорите во Виена и за несогласувањата околу некои прашање, кои се уште не се надминати.
Шефот на европската дипломатија Федерика Могерини изјави денеска дека спогодбата меѓу Иран и светските сили во последен момент и натаму е можна.
- Доколку страните во преговорите имаат силна политичка волја во овие последни моменти, можеме да успееме, напиша Могерини на Твитер.
|