Виена, 29 јуни 2015 (МИА) - Министрите за надворешни работи на земјите-членки вклучени во преговорите за иранската нуклеарна програма отпатуваа од Виена, но во следните денови би можеле повторно да се вратат во австриксиот главен град на нова рунда разговори, соопшти синоќа високиот претставник на ЕУ за надворешна политика и безбедност Федерика Могерини.
- Министрите ќе се вратат доколку во усогласувањето по текстот на конечниот договор биде постигнат напредок, што бил доволен за склучување договор, изјави Могерини.
Иранскиот министер за надворешни работи Џавад Зариф вчера прв отпатува од Виена, а по него австрискиот главен град го напуштија и шефовите на дипломатиите на Германија, Велика Британија и Франција, Франк-Валтер Штајнмајер, Филип Хамонд и Лоран Фабиус.
Могерини нагласи дека е очигледно оти до крајнот рок, 30 јуни, нема да биде поситгнат договор за иранската нуклеарна програма, додавајќи дека е можно тој да биде продолжен за „само неколку дена“ доколку учесниците во преговорите покажат флексибилност.
- Не може да се очекува долгорочно породлжување (на рокот). Таква можност воопшто и не разгледуваме, додаде Могерини, нагласувајќи дека сите учесници во преговорите покажале политичка волја за постигнување договор.