Во серија бомбашки напади во Ирак погинаа најмалку 19 лица

Багдад, 5 јули 2015 (МИА) - Во серија бомбашки напади во Ирак вчера погинаа најмалку 19 лица, а повеќе десетици се повредени, соопштија синоќа ирачките власти.

Полициски претставници наведуваат дека најсмртоносниот напад бил изведен во една многу фрекфентна улица во западниот дел на Багдад каде во експлозија на автомобил-бомба погинаа девет и ранети се 24 лица. Во нападот оштетени се мноштво од околните продавници и автомобили, пренесеТанјуг.

Претходно, во текот на денот, полицијата соопшти дека во експлозија на автомобил во близина на автобуска станица во јужниот дел на градот настрадале три лица, а ранети се уште 15 .

До уште една експлозија на автомобил-бомба дојде и во близина на ресторан во шиитскиот град Балад Рузу, на 70 километри североисточно од Багдад, каде погинале четири, а ранети се 14 лица.

Болнички извори кои не сакаа да бидат именувани, ги потврдија податоците за настраданите во сите овие напади.

Засега никој не ја презеде одговорноста за овие бомбашки напади, но сомнежите паѓаат врз екстремистите на Исламска држава.