Неуспешен самоубиствен напад на девојче врз џамија во Нигерија

Кано, 7 јули 2015 (МИА) - Девојче на 13-годишна возраст се саморазнесе во неуспешен обид за бомбашки напад врз џамија во големиот северен нигериски град Кано, соопшти локалната полиција. 

Во нападот единствена жртва е девојчето и нема други повредени. 

Девојчето се саморазнесе на околу 200 метри од џамија „Омар бин Хатаб“ околу 21 часот синоќа. Според очевидци, девојчето ја преминало улицата, по што се случила експлозија. 

Според полицијата цел на нападот најверојатно била џамијата, но девојчето предвремено го активирала експлозивот. Целиот регион околу местото на експлозијата бил изолиран поради опасност од серија терористички напади. 

Во бранот слични терористички напади минатата недела во Нигерија животот го загубија 200 лица. Само во неделата беа убиени 49 лица.