Вашингтон, 7 јули 2015 (МИА) - Американскиот претседател Барак Обама изјави дека неодамнешните територијални загуби на екстремистите на „Исламска држава“ во Ирак и Сирија покажуваат дека групата ќе биде поразена.
Во своето обраќање во Пентагон Обама изјави дека САД ќе продолжат да спречуваат илегално финансирање на операции на ИД во светот, како и дека ќе сторат се за обука и опремување на умерените опозициски групи во Сирија.
Американскиот претседател изјави дека Вашингтон треба да прави повеќе за спречување на напади на своја територија и напорите на ИД да регрутира следбеници.
- Нашите напори во борба против тероризмот не смее да се насочат на една заедница поради нејзината религија или потекло, вклучително патриотските муслимански Американци, кои се наши партнери во одржување на безбедноста на земјата, истакна Обама.
Според Обама нема актуелни планови за испраќање на дополнителни војници на САД во странство. Американскиот претседател, исто така, потврди дека САД и нивните сојузници ќе бидат успешни во поразување на оваа милитантна група со ефикасни партнери на терен во Ирак.
ABC US News |
World News