Сушата загрози милион фармери во Тајланд

Бангкок, 7 јули 2015 (МИА) - Тајланд е погоден од невообичаено долг период без дождови, што ќе донесе оромно намалување во земјоделското производство и на фармите за одгледување на риби и ракови, гранки кои учествуваат со 32 отсто во БДП на ова држава.

Денеска властите соопштија дека на околу милион загрозени фармери ќе им помогне со 10 милијарди бахти, околу 360 милиони долари.

Загрижени се и локалните власти во Бангкок, каде што во некои подрачја почна да се чувствува недостиг на вода за пиење. Градот познат и по тоа дека водените токови се една од неговите најважни сообраќајници, вода за пиење добива од вештачко езеро кое нормално има осум милијарди метри кубни вода, а денеса има само 660 милиони. Ова количество е доволно за потребите на Бангкок само за 30 дена и тоа ако потрошувачката планирано се редуцира.

Смаленото ниво на реките резултираше со наплив на солена морска вода од Тајландскиот Залив, така што мешањето на слатката и солената вода е забележано дури на 100 километри одалеченост од устието на реките во морето.