Сана, 7 јули 2015 (МИА) - Во воздушните напади на арапската коалиција и копнените судири во Јемен денеска загинаа 176 борци и цивили, објавија медиумите контролирани од бунтовниците Хуси.
Ако се потврди бројката на загинати, тоа би бил најсмртоносниот ден во Јемен од 26 март кога почна бомбардирањето на арапската коалиција.
Насилството во Јемен е во пораст и покрај што спротиставените страни разговараат за воведување на хуманитарно примирје.