Талибанските бунтовници презедоа голема полициска база во Авганистан
Кабул, 26 јули 2015 (МИА) - Талибанските бунтовници презедоа голема полициска база во североисточниот дел на Авганистан по тридневни борби, а над 100 полицајци и гранични службеници преминаа на страна на бунтовниците, соопштија авганистанските безбедносни сили.
Началникот на полицијата во провинцијата Бадахшан, генерал Баба Џан изјавил дека базата Тиргаран во округот Вардуж доцна синоќа преминала под контрола на талибанците.
Тој додаде дека локалниот полициски началник и граничните службеници им се предале на бунтовниците заедно со целото оружје и опрема во базата.
|