Израелската полиција навлезе во комплексот на џамијата Ал Акса во Ерусалим

Ерусалим, 26 јули 2015 (МИА) - Израелската полиција денеска навлезе во комплексот на џамијата Ал Акса во Ерусалим, во обид да ги растури насилните протести на млади Палестинци.

Палестинците се забарикадирале во џамијата, фрлајќи камења врз полицајците.

Полицијата во Ерусалим соопшти дека во денешните судири има повредено повеќе полицајци, но засега нема инфрмации за состојбата меѓу насилно расположените млади Палестинци.

Полицијата само потврди дека досега се уапсени шестмина Палестинци.

Според израелските медиуми, станува збор за смислена провокација на Палестинците кои со насилните протести настојуваат да спречат голем број Евреи, кои како гости престојуваат во градот, да го посетат и да се молат на Ѕидот за плачење, што се наоѓа на западниот дел од комплексот во кој е и џамијата Ал Акса.

Оваа џамија во муслиманскиот свет се смета за едно од најсветите места.