Могадишу, 26 јули 2015 (МИА) - Најмалку 13 лица загинаа во бомбашки напад на сомалиската исламистичка група Ал Шабаб врз хотелот „Џазира“ во центарот на сомалиската престолнина Могадишу.
Нападот со автомобил-бомба беше извршен денеска попладне во хотелот, посетуван од членови на сомалиската влада и од странски државјани.
Во него се наоѓаат неколку допломатски претставништва. Над центарот на градот се издига облак од црн чад.
Очевидец кој бил во хотелот „Џазира“ во моментот на експлозијата, вели дека нападот веројатно бил извршен со камион, наполнет со експлозив.