Могерини: Иран и ЕУ се договорија да почнат разговори на високо ниво за серија прашањаТехеран, 28 јули 2015 (МИА) - Иран и Европската унија денеска се договорија да почнат разговори за серија прашања, објави високиот претставник на ЕУ за надворешна политика и безбедност Федерика Могерини, цитирана од ТАСС.
Разговорите ќе се водат на високо ниво и ќе ги опфатат соработката во областа на енергетиката, борбата со тероризмот и шверцот на наркотици, регионални прашања, права на човекот, прецизира иранскиот шеф на дипломатијата Мохамад Џавад Зариф по денешната средба со Могерини во Техеран.
Првиот европски дипломат подвлече дека постигнатата спогодба меѓу Исламската република и „шесторката“ за иранската нуклеарна програма го отвора патот за поголема соработка меѓу Иран и светот.
Реализацијата на договорот ќе зависи од политичката волја на сите страни, учеснички во неговото договарање, подвлече Могерини.
|