Њујорк, 31 јули 2015 (МИА) - Мали островски држави кои тврдат дека климатските промени им се закана за постоењето, побараа од Советот за безбедност на ОН да направи повеќе напори за решавање на прашањето.
Вкупно 15 држави побараа помош од Светската организација на седница на Советот посветена на проблемите на малите островски држави. Микронезија и Маршаловите Острови побараа влијанието на климатските промени да биде вклучено во програмата за постојано разгледување.
Имено, 37 од вкупно 193 држави членки на ОН се мали островски држави. Многу од нив стравуваат поради зголемувањето на морското ниво поради глобалното затоплување.