Основачот на канадската компанија „Ешли Мадисон“ Ноел Бидарман поднесе оставка од функцијата извршен директор, откако беа објавени личните податоци на 37 милиони корисници на интернет-стрницата.
На 17 август интернет-стрницата за запознавање беше мета на хакерски напад при што беа објавени милиони интернет-адреси, броеви на кредитни картички и податоци од профилите.
Канадските медиуми објавија дека Бидарман бил под притисок да поднесе оставка, откако голем број на луѓе во Канада и во САД покренале тужби против компанијата поради нарушување на безбедноста.
За откривање на хакерите понудена е награда од 500.000 кандаски долари.
Хакерите открија и имејл адреси на некои американски и британски високи државни службеници, како и вработени во некои европски и северноамерикански корпорации.
Нападот врз Ешли Медисон дополнително го зголеми стравот за безбедноста на интернет и приватноста на податоците.