Во меиловите на Клинтон британските политичари Камерон и Клег се оценети како „снобови и арогантни“

Лондон,2 септември 2015 (МИА) - Поранешниот американски државен секретар Хилари Клинтон и нејзиниот советник Сидни Блументал немале високо мислење за британските политичари Дејвид Камерон и Ник Клег, како и за поранешниот лидер на лабуристите, Ед Милибанд, покажуваат најновите меилови на Клинтон, што денеска за пр оат се објавуваат.

Во нив, Камерон и Клег се оценуваат како „снобови“ и „арогантни“ додека за Милибанд се вели дека претставува „нешто назадно“ (во политиката).

Во еден меил на Блументал. испратен до Клинтон, нејзиниот советник ја предупредува својата шефица дека Клег е „арогантен„ и како и Камерон со „не помалку привилигирано потекло„, но дека е помалку сноб, веројатно затоа што се школувал во Вестминстер, а не во отмениот колеџ во Итон, каде учел поранешниот и сегашниот британски премиер.

Тоа според Блументал се гледа во помалку изразениот акцент, при зборувањето на Клег, на кој инаку инсистира Камерон и кој, според советникот,  е „типичен за повисоката класа“.

Меиловите биле разменувани во мај 2010 година, веднаш по праламентраните избори во Велика Британија, по кои беше создадена коалицијата меѓу конзервативците и либералдемократите во која Камерон беше избран за премиер, а Клег за заменик премиер.

На меилот на Блументал, тогашниот државен секретар на САД, возвратила со своја порака во која го известува својот советник дека писмото со неговите оценки за британските политичари му го препратила на Бил (Клинтон).

„Тој се согласува со твоите проценки и предупредувања„- му одговорила Хилари Клинтон на советникот Блументал.

Во другите меилови, тој го оценувал и именувањето на министерот Вилијам Хејг, за шеф на британскиот Форин Офис.За Блументал, Хејг делува како  „неискрен и лажен„ во споредба со неговиот претходник, министерот за надворешни работи Дејвид Милибанд.