Израелско радио: Палестински затвореници добиваат илјадници долари како наградаТел Авив, 6 декември 2015 (МИА) - Израелското радио денеска објави дека дошло до официјални палестински документи кои потврдуваат дека на затворениците Палестинци, осудени за смртоносни напади врз Израелци, им се исплаќаат илјадници долари.
Тоа е објавено по неколкудневни судири и повторни израелски обвиненија дека Палестинците провоцираат насилство.
Палестинците подолго време на кријат дека ги поддржуваат парично семејствата на затворениците во израелските затвори, но исплати лично на затворениците осудени за смртоносни напади никогаш досега не се јавно објавени.
Радио Израел тврди дека документите покажуваат како големи суми пари се даваат на лица што отслужуваат доживотни казни затвор. Меѓу нив се и екстремисти на Хамас одговорни за самоубиствени напади во кои загинаа десетина Израелци.
Поранешниот палестински министер задолжен за затвореници Ашраф ал Аџрами ги потврди информациите, нагласувајќи дека затворениците се херои и дека парите се наменети за нивните семејства.
|