Двајца Британци кои возеа со 150 на час го снимија моментот кога го загубија животот. Младите момчиња удриле во ѕид на црква и починале на лице место.
Во сообраќајната несреќа што се случила во местото Ротерфилд, животот го загубија Мајкл Овен (21) и Кајл Керфорд (20) кој го управувал возилото.
Овен го снимал својот другар непосредно пред страшната несреќа. Момците биле во автомобил „Рено Клио“, а го загубиле животот кога се забиле во ѕидот на локалната црква.
На видео снимката се слуша како Овен му говори на пријателот да намали малку затоа што возат со 150 километри на час. Снимката од оваа несреќа во јавноста беше објавена од страна на семејството на Мајкл.
Кога момчињата удриле во ѕидот, соседите излегле откако ја слушнале бучавата, а потоа веднаш повикале пожарникари, кои на крајот морале да го исечат автомобилот за да ги извлечат, но момчињата веќе биле мртви.