Пјонгјанг: Сеул „објави војна“ со прекинот на работите во КаесонгПјонгјанг, 11 февруари 2016 (МИА) – Северна Кореја соопшти денеска дека ги протерала сите јужнокорејски работници од индустрискиот комплекс Каесонг и замрзна имот на фирми што таму работат.
Пјонгјанг исто така порачува дека одлуката на Сеул да прекине со активности во тој комплекс е „објавување војна“, јавуваат западни медиуми.
Индустрискиот парк е прогласен за зона под воена контрола, се вели во извештај на севернокорејски медиуми чии ставови пренесуваат медиуми од Сеул.
Комплексот е отворен во 2005 година и во него 124 јужнокорејски компании вработуваат оклу 55.000 Севернокорејци.
Десетици јужнокорејски камиони се вратија денеска од Северна Кореја со опрема и стоки од Кесонг откако Сеул прекина со активности во тој центар, како одговор на лансирањето ракета со голем дострел од северниот сосед.
|