Лондон, 11 февруари 2016 (МИА) - Во граѓанската војна во Сирија, која трае пет години, досега загинале 470 илјади лица, пишува денеска британскиот весник „Гардијан“.
Четиристотини илјади Сиријци се убиени, а 70 илјади починале поради недостиг на чиста вода и здравствена заштита. Бројот на жртвите изнесува 11 отсто од населението на Сирија, соопшти Сирискиот центар за политички истражувања.
Од почетокот на конфликтот се ранети 1,9 милиони лица.
Економските загуби се проценуваат на 255 милијарди долари.