Истанбул, 12 февруари 2016 (МИА) - Во шатори, кои се изградени од страна на Турција, во Сирија живеат околу 100.000 бегалци, изјави денеска турскиот вице-премиер Јалчин Акдоган.
- Целосно се грижиме за Сиријците. Во последната седмица пристигна нов бран бегалци. Околу 35 илјади се упатија кон нашата граница. Тие се сместени во кампови надвор од Турција. Во Сирија (крај границата со Турција), имаме девет кампови во кои живеат 100.000 луѓе. Во моментов се гради уште еден камп, изјави Акдоган за турската државна телевизија ТРТ.
Турскиот вице-премиер истакна дека Турција и натаму ги држи отворени границите за Сиријците и додаде дека во блиска иднина не гледа решение за сирискиот проблем.
- Ги прифаќаме сите кои бегаат од смртта, нагласи Акдоган.