Техеран, 27 април 2016 (МИА) - САД ги укинаa санкциите против Техеран само на хартија, а во пракса им се закануваат на компаниите и ги гонат од Иран, изјави денеска врховниот ирански верски лидер ајатолахот Али Хамнеи.
- На хартија САД им дозволуваат на странските банки да направат зделки со Иран, но во пракса шират иранофобја, со цел никој да не прави бизнис со нас, изјави Хамнеи во обраќање пред стотици работници во Техеран.
Спогодбата која Иран и светските сили ја постигнаа овозможува олеснување на некои од санкциите против Техеран во замена на ограничувањето на иранската нуклеарна програма.
Иран повеќе пати ги повикува САД да направат повеќе од укинување на пречките во банкарскиот сектор.